ന്യൂദൽഹി: ചീഫ് ജസ്റ്റിസിനെതിരെയുള്ള ഗൂഢാലോചനയിൽ സുപ്രീംകോടതി അന്വേഷണം പ്രഖ്യാപിച്ചു. ജസ്റ്റിസ് എ.കെ പട്നായിക്കിന്റെ നേതൃത്വത്തിൽ അന്വേഷിക്കും. സിബിഐ, ഐബി, ദൽഹി പോലീസ് മേധാവികൾ അന്വേഷണത്തിൽ സഹകരിക്കണമെന്നും സുപ്രീംകോടതി ഉത്തരവിട്ടു.
അന്വേഷണ റിപ്പോർട്ട് സീൽ വച്ച കവറിൽ സമർപ്പിക്കണം. അതിന് ശേഷം കേസ് വിണ്ടും പരിഗണിക്കും. ചീഫ് ജസ്റ്റിസിനെ ലൈംഗികാരോപണത്തിൽ കുടുക്കാൻ ഗൂഢാലോചന ഉണ്ടെന്ന അഭിഭാഷകൻ ഉത്സവ് ബയൻസിന്റെ ആരോപണത്തിലാണ് സുപ്രീംകോടതി അന്വേഷണ സംഘത്തെ പ്രഖ്യാപിച്ചത്.
പ്രതികരിക്കാൻ ഇവിടെ എഴുതുക: