മോര്ബി/ ബല്റാംപൂര് : ഗുജറാത്തിലെ മോര്ബിയിലും ഛത്തീസ്ഗഢിലെ ബല്റാംപൂരിലും വെള്ളിയാഴ്ചയുണ്ടായ വ്യത്യസ്ത വാഹനാപകടങ്ങില് 14 പേര് മരിച്ചു. 16 പേര്ക്ക് പരിക്കേറ്റു.
മോര്ബിയില് കാറുകള് തമ്മില് കൂട്ടിയിടിച്ചാണ് അപകടം നടന്നത്. ഇതില് ആറ് പേരാണ് കൊല്ലപ്പെട്ടത്. അപകടം നടന്ന ഉടന് പോലീസ് സ്ഥലതെത്തി ആശുപത്രിയില് എത്തിച്ചെങ്കിലും ആറ് പേരും സംഭവ സ്ഥലത്ത് വെച്ചുതന്നെ മരിച്ചിരുന്നു. ഇവരുടെ മൃതദേഹങ്ങള് സമീപത്തെ ആശുപത്രിയില് പോസ്റ്റ്മോര്ട്ടത്തിനായി സൂക്ഷിച്ചിരിക്കുകയാണ്.
ബല്റാംപൂരില് പിക്അപ് വാനുമായി കൂട്ടിയിടിച്ചാണ് രണ്ടാമത്തെ അപകടം നടന്നത്. സംഭവ സ്ഥലത്ത് വെച്ച് തന്നെ ഏഴ് പേരും ഒരാള് ആശുപത്രിയില് എത്തിച്ചശേഷവുമാണ് മരിച്ചത്. പരിക്കേറ്റ 16 പേര് അംബികാപൂര് ജില്ലാ ആശുപത്രിയില് ചികിത്സയിലാണ്. അതേസമയം ഡ്രൈവര് മദ്യപിച്ചയതാണ് അപടത്തിന് കാരണമെന്ന് യാത്രക്കാര് പോലീസില് മൊഴി നല്കിയിട്ടുണ്ട്. സംഭവത്തില് പോലീസ് കേസെടുത്ത് അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക: