തിരുവനന്തപുരം: സീസണ് സമയത്ത് കേരളത്തില് എത്തുന്ന വിനോദസഞ്ചാരികളുടെ സുരക്ഷയ്ക്കായി ലോക്കല് പോലീസ് സ്റ്റേഷനുകളില്നിന്ന് കൂടുതല് പോലീസുകാരെ വിന്യസിക്കണമെന്ന് പോലീസ് മേധാവിയുടെ നിര്ദേശം. ഇത് സംബന്ധിച്ച് റേഞ്ച് ഐജിമാര്ക്കും ജില്ലാ പോലീസ് മേധാവിമാര്ക്കും മാര്ഗനിര്ദേശം നല്കി.
വിനോദ സഞ്ചാരികളുടെ സുരക്ഷയ്ക്കായി സമര്ഥരായ പോലീസ് ഉദ്യോഗസ്ഥരെ ജില്ലാ പോലീസ് മേധാവിമാര് കണ്ടെത്തണം. ടൂറിസം കേന്ദ്രങ്ങളിലെ നിരീക്ഷണക്യാമറകള്, വിനോദസഞ്ചാര സഹായകകേന്ദ്രങ്ങള്, ടൂറിസം പോലീസിന്റെ വാഹനങ്ങള് എന്നിവ പ്രവര്ത്തനക്ഷമമാണെന്ന് ഉറപ്പുവരുത്തണം.
ഇന്ത്യക്ക് അകത്തുനിന്നും പുറത്തുനിന്നും വിനോദസഞ്ചാരികള് എത്തുന്ന കേന്ദ്രങ്ങളില് നിരീക്ഷണം ശക്തിപ്പെടുത്തുന്നതിന് ടൂറിസം പോലീസും ട്രാഫിക് പോലീസും ലോക്കല് പോലീസും കൂടുതല് ശ്രദ്ധ പുലര്ത്തണമെന്നും നിര്ദേശത്തിലുണ്ട്.
പ്രതികരിക്കാൻ ഇവിടെ എഴുതുക: