ഇടുക്കി: സംസ്ഥാനത്ത് പുറത്ത് നിന്നെത്തിക്കുന്ന വൈദ്യുതിയില് 150-200 മെഗാവാട്ട് വരെ കുറവ്. ആഭ്യന്തര ഉല്പ്പാദനം ഉയര്ത്തി പരിഹരിക്കാന് ശ്രമം. പെട്ടെന്നുണ്ടായ കാലാവസ്ഥ വ്യതിയാനമാണ് തിരിച്ചടിയായത്.
കഴിഞ്ഞദിവസം വരെ ചില ജില്ലകളില് ശക്തമായ മഴ ലഭിക്കുകയും വൈദ്യുതി ഉപഭോഗം കുറയുകയും ചെയ്തിരുന്നു. ഇതനുസരിച്ചുള്ള വൈദ്യുതിയാണ് കെഎസ്ഇബി പുറത്തുനിന്നെത്തിച്ചിരുന്നത്. എന്നാല് വെള്ളിയാഴ്ച മഴ ലഭിക്കാതെ വന്നതോടെ ഒരാഴ്ചയ്ക്ക് ശേഷം ഉപഭോഗം വീണ്ടും 80 ദശലക്ഷം പിന്നിട്ടു. ഇതോടെ ആഭ്യന്തര ഉല്പ്പാദനം ഉയര്ത്തുകയായിരുന്നു.
81.1157 ദശലക്ഷം യൂണിറ്റ് വൈദ്യുതി ഈ ദിവസം ഉപയോഗിച്ചപ്പോള് ആഭ്യന്തര ഉല്പ്പാദനം 28.0233 ആയിരുന്നു. വ്യാഴാഴ്ച ഇത് 23.2569 ദശലക്ഷം യൂണിറ്റായിരുന്നു. വിവിധ കാരണങ്ങളെ തുടര്ന്ന് പുറം വൈദ്യുതി ലഭിക്കാതെ വരുന്നതും തിരിച്ചടിയാണ്. ഇതിനൊപ്പം മഴ ലഭിക്കാതെ ഉപഭോഗം ഉയര്ന്നാല് 5-20 മിനിറ്റ് പവര്കട്ട് ഏര്പ്പെടുത്തേണ്ടി വരും.
ഇന്ന് അവധി ദിവസമായതിനാല് വൈദ്യുതി ക്ഷാമം ഉണ്ടാകില്ല. മഴ അകന്ന് നിന്നാല് സ്ഥിതി മാറും. മെയ് ഒന്നിന് അവശേഷിക്കുന്ന വെള്ളത്തിന്റെ ലഭ്യമായ വൈദ്യുതിയുടെയും കണക്കെടുക്കും.
പ്രതികരിക്കാൻ ഇവിടെ എഴുതുക: