ന്യൂദൽഹി: കരസേനയിലെ രണ്ട് മുൻ ഉപ മേധാവികൾ ഉൾപ്പടെ ഏഴ് മുൻ സൈനിക ഉദ്യോഗസ്ഥർ ബിജെപിയിൽ ചേർന്നു. ഉപമേധാവിമാരായിരുന്ന ലഫ്.ജനറൽ ജെബിഎസ് യാദവ്, ലഫ്. ജനറൽ എസ്.കെ പട്യാൽ, മിലിറ്ററി ഇന്റലിജൻസ് മുൻ ഡയറക്ടർ ജനറൽ ലഫ്.ജനറൽ ആർ.എൻ സിങ്, ഇൻഫർമേഷൻ സർവീസ് ആൻഡ് ഐടി മുൻ ഡയറക്ടർ ജററൽ ലഫ്.ജനറൽ സുനിത് കുമാർ, മുൻ സിഗ്നൽ ഓഫീസർ ഇൻ ചീഫ് ലഫ്.ജനറൽ നിതിൻ കോഹ്ലി, കേണൽ ആർ.കെ ത്രിപാഠി, വിങ് കമാൻഡർ നവ്നീത് മാഗൺ എന്നിവരാണ് ബിജെപിയിൽ ചേർന്നത്.
പ്രതിരോധ മന്ത്രി നിർമല സീതാരാമന്റെ സാന്നിധ്യത്തിലാണ് ഇവർ ബിജെപിയിൽ അംഗത്വം എടുത്തത്. ദേശസുരക്ഷ കെട്ടിപ്പടുക്കുന്നതിന് ഇവരുടെ പാർട്ടി അംഗത്വം കൂടുതൽ ഗുണം ചെയ്യുമെന്ന് നിർമല സീതാരാമൻ പറഞ്ഞു.
പ്രതികരിക്കാൻ ഇവിടെ എഴുതുക: