വെല്ലിങ്ടണ്: ന്യൂസിലാന്ഡ് പ്രധാനമന്ത്രി ജെസീന്ത ആര്ഡേണ് വിവാഹിതയാവുന്നു. അവരുടെ വിവാഹം തന്നെ. ജെസീന്തയും കാമുകന് ക്ലാര്ക്ക് ഗേഫോഡും ഉടന് വിവാഹിതരാകുമെന്നാണ് ഇപ്പോള് റിപ്പോര്ട്ട് പുറത്തിറക്കുന്നത്. ഈസ്റ്റര് അവധിക്ക് ഇരുവരും തമ്മിലുള്ള എന്ഗേജ്മെന്റ് കഴിഞ്ഞതായും അടുത്ത് തന്നെ വിവാഹമുണ്ടാകുമെന്നുമാണ് ഇരുവരുടെയും വക്താവ് പറഞ്ഞത്. 2012ലാണ് ജെസീന്തയും കാമുകന് ക്ലാര്ക്ക് ഗേഫോഡും തമ്മില് കണ്ടുമുട്ടുന്നത്.
അടുത്തിടെ ന്യൂസിലാന്ഡ് ഭീകരാക്രമുണ്ടായതിനെ തുടര്ന്ന് രാജ്യം കൊലയാളികള്ക്കൊപ്പമല്ല, കൊല്ലപ്പെട്ടവര്ക്കൊപ്പമെന്ന് ജെസീന്ത ആര്ഡേണ് പ്രസ്താവന നടത്തിയത് ലോക ശ്രദ്ധയാകര്ഷിച്ചിരുന്നു. ഇതോടൊപ്പം പൊതുവേദിയില് ഹിജാബ് ധരിച്ച് മുസ്ലിം സമുദായത്തോടുള്ള തന്റെ ബഹുമാനവും അവര് പ്രകടമാക്കിയിരുന്നു.
ഏറെക്കാലമായി പ്രണയത്തിലായിരുന്ന ജെസീന്തയ്ക്കും ക്ലാര്ക്ക് ഗേഫോഡിനും ഒരു മകളുണ്ട്. ഇക്കഴിഞ്ഞ ജൂണിലാണ് ഇരുവര്ക്കും പെണ്കുട്ടി പിറന്നത്. നെവെ തെ അറോഹ എന്ന് പേരുള്ള കുട്ടിയുടെ ജനനം തന്നെ വാര്ത്തകളില് നിറഞ്ഞിരുന്നു. അധികാരത്തിലിരിക്കെ അമ്മയായ രാജ്യത്തെ ആദ്യത്തെ പ്രധാനമന്ത്രിയാണ് ജെസീന്ത. അതേസമയം ജോലിതിരക്കുകള്ക്കിടയിലും മകളെ പരിപാലിച്ച് വീട്ടില് തന്നെയായിരുന്നു ക്ലാര്ക്ക്.
പാക്കിസ്ഥാന് മുന് പ്രധാനമന്ത്രി ബേനസീര് ഭൂട്ടോയ്ക്ക് ശേഷം പ്രധാനമന്ത്രിയായിരിക്കെ കുഞ്ഞിന് ജന്മം നല്കുന്നയാളാണ് ജസീന്ത. ഒപ്പം ന്യൂസിലാന്ഡിന്റെ ഏറ്റവും പ്രായം കുറഞ്ഞ പ്രധാനമന്ത്രിയുംകൂടിയാണ് ജസീന്ത. മൂന്നുമാസം പ്രായമുള്ളപ്പോള് ഐക്യരാഷ്ട്രസഭയുടെ ജനറല് അസംബ്ലിയിലെത്തി ന്യൂസിലന്ഡിലെ പ്രഥമ ശിശുവും ചരിത്രം സൃഷ്ടിച്ചിരുന്നു.
പ്രതികരിക്കാൻ ഇവിടെ എഴുതുക: