പത്തനംതിട്ട: കേരള നവോത്ഥാനം ഹിന്ദുഐക്യത്തിലൂടെ എന്ന ആശയവുമായി ഹിന്ദുഐക്യവേദി 16-ാം സംസ്ഥാന സമ്മേളനത്തിന് പൈതൃകഗ്രാമമായ ആറന്മുളയില് വേദി ഒരുങ്ങുന്നു. വരുന്ന ശനി, ഞായര് തീയതികളില് നടക്കുന്ന സമ്മേളനത്തില് ശ്രീപദ്മനാഭസ്വാമി ക്ഷേത്രത്തെ കൈവശപ്പെടുത്തുവാനുള്ള സര്ക്കാരിന്റെ തീവ്രശ്രമം, അയ്യപ്പഭക്തരെ കള്ളക്കേസില് കുടുക്കി പോലീസിന്റെ പീഡനം എന്നിവ ചര്ച്ച ചെയ്യും.
11ന് ഉച്ചയ്ക്കു ശേഷം രണ്ടിന് ആറന്മുള പാഞ്ചജന്യം ഓഡിറ്റോറിയത്തില് സമ്പൂര്ണ്ണ സംസ്ഥാന സമ്മേളനത്തില് ഐക്യവേദി സംസ്ഥാന അദ്ധ്യക്ഷ ശശികല ടീച്ചര് ഭദ്രദീപം തെളിയിക്കും. 12ന് രാവിലെ ഒമ്പതിന്് ശ്രീകൃഷ്ണ ഓഡിറ്റോറിയത്തില് സംസ്ഥാന രക്ഷാധികാരി കെ.എന്. രവീന്ദ്രനാഥ് പതാക ഉയര്ത്തും. പ്രതിനിധി സമ്മേളനം വാഴൂര് തീര്ത്ഥപാദാശ്രമത്തിലെ ഗരുഡധ്വജാനന്ദ തീര്ത്ഥപാദര് ഉദ്ഘാടനം ചെയ്യും. ഹിന്ദുജാഗരണ് മഞ്ച് സംഘടനാ സെക്രട്ടറി ജഗദീഷ് കാരന്ത്, ആര്എസ്എസ് സഹപ്രാന്തകാര്യവാഹ് എം. രാധാകൃഷ്ണന്, ഹിന്ദുഐക്യവേദി സംസ്ഥാന അദ്ധ്യക്ഷ ശശികല ടീച്ചര്, വര്ക്കിങ് പ്രസിഡന്റ് കെ.വി. ശിവന്, ജനറല് സെക്രട്ടറിമാരായ ഇ.എസ്. ബിജു, കെ.പി. ഹരിദാസ്, ഭാര്ഗവറാം, ആര്.വി. ബാബു, സംഘടനാ സെക്രട്ടറി സി. ബാബു, വി. സുശികുമാര്, ട്രഷറര് കെ. അരവിന്ദാക്ഷന് നായര് എന്നിവര് നേതൃത്വം നല്കും. പത്രസമ്മേളനത്തില് ഭാരവാഹികളായ ഇ.എസ്. ബിജു, അഡ്വ.കെ. ഹരിദാസ്, കെ.എസ.് സതീഷ്കുമാര്, കെ.പി. സോമന്, പി.എന്. രഘൂത്തമന് തുടങ്ങിയവര് പങ്കെടുത്തു.
പ്രതികരിക്കാൻ ഇവിടെ എഴുതുക: