കോട്ടയം: മള്ളിയൂര് മഹാഗണപതി ക്ഷേത്രത്തില് 12 മുതല് 19 വരെ നടക്കുന്ന 13-ാമത് അഖില ഭാരത നാരായണീയ മഹാസത്രത്തിന് ഒരുക്കങ്ങള് പൂര്ത്തിയായി. 12ന് വൈകിട്ട് അഞ്ചിന് ഉദ്ഘാടന സഭ.
മള്ളിയൂര് മഹാഗണപതി ക്ഷേത്രത്തിലെ ശ്രീകോവിലില് നിന്ന് കൊളുത്തിയെടുക്കുന്ന ദീപവും ഭഗവാന്റെ വിഗ്രഹവും താളമേളങ്ങളോടെ സത്രവേദിയിലെത്തും. തുടര്ന്ന് തന്ത്രി മനയത്താറ്റില്ലത്ത് ആര്യന് നമ്പൂതിരി കൊടിയേറ്റും. ഗുരുവായൂര് തന്ത്രി ഡോ. ചേന്നാസ് ദിനേശന് നമ്പൂതിരിപ്പാട് വിഗ്രഹ പ്രതിഷ്ഠ നടത്തും.
ഉദ്ഘാടന സഭയ്ക്ക് ഗുരുവായൂര് തന്ത്രി ഡോ. ചേന്നാസ് ദിനേശന് നമ്പൂതിരിപ്പാട് ദീപപ്രോജ്വലനം നടത്തും. ഭഗവദ് ദര്ശനം മാസിക ചീഫ് എഡിറ്റര് ഗോവര്ദ്ധന ഗിരിദാസ് ഉദ്ഘാടനം ചെയ്യും. മുഖ്യയജ്ഞാചര്യന് മൂര്ക്കന്നൂര് ശ്രീഹരി നമ്പൂതിരി മാഹാത്മ്യ പ്രഭാഷണം നടത്തും. തുടര്ന്നുള്ള ദിവസങ്ങളില് പ്രഭാഷണ പരമ്പരകള്, ക്ഷേത്രാനുഷ്ഠാന കലകള്, ഭഗവത് പൂജകള്, നാരായണീയ എക്സിബിഷന്, ഘോഷയാത്രകള്, പുരസ്കാര സമര്പ്പണങ്ങള് എന്നിവയുണ്ടാകും. എല്ലാ ദിവസവും രാവിലെ 7.30ന് നാരായണീയ പാരായണം, പ്രഭാഷണം, ഭജന എന്നിവ ഉണ്ടാകും. ഉച്ചകഴിഞ്ഞ് രണ്ട് മുതല് ഭജന്സ്, 6.30 മുതല് മഹാദീപാരാധന, പ്രസാദ വിതരണം, വിവിധ കലാപരിപാടികള്.
17ന് ഉച്ചയ്ക്ക് ഒന്നിന് ഉപഹാരസമര്പ്പണ സഭ. അഖിലഭാരത നാരായണീയ പ്രചാരസഭയിലെ ആചാര്യന്മാരെയും മുഖ്യപ്രചാരകരെയും ആദരിക്കും. മോന്സ് ജോസഫ് എംഎല്എ ഉദ്ഘാടനം ചെയ്യും. നാലിന് തിരുവാതിര അരങ്ങ്. 18ന് ഉച്ചയ്ക്ക് രണ്ടിന് സത്ര സ്മൃതി പുരസ്കാരം മണപ്പള്ളി രാജീവന് നമ്പൂതിരിക്കും മേയ്ക്കാട് വാസുദേവന് നമ്പൂതിരിക്കും സമര്പ്പിക്കും. 19ന് രാവിലെ 11.30ന് സത്രസമര്പ്പണ സഭ മള്ളിയൂര് പരമേശ്വരന് നമ്പൂതിരി ഉദ്ഘാടനം ചെയ്യും. 12.30ന് മാനസജപലഹരി, മഹാപ്രസാദമൂട്ട്, ധ്വജാരോഹണം, യജ്ഞപ്രസാദ വിതരണം.
പ്രതികരിക്കാൻ ഇവിടെ എഴുതുക: