കോട്ടയം: സംസ്ഥാനത്തെ സര്വീസ് മേഖലയില് ദേശീയ പ്രസ്ഥാനങ്ങള് കരുത്താര്ജ്ജിക്കുകയാണെന്ന് ബിഎംഎസ് സംസ്ഥാന പ്രസിഡന്റ് കെ.കെ. വിജയകുമാര് പറഞ്ഞു. എംജി സര്വകലാശാലാ എംപ്ലോയീസ് സംഘം വാര്ഷിക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
തൊഴില് മേഖലയില് ബിഎംഎസ് ഫലപ്രദമായ ഇടപെടലാണ് നടത്തുന്നത്. സമസ്ത മേഖലകളിലും തൊഴിലാളികളുടെയും ജീവനക്കാരുടെയും താല്പ്പര്യം സംരക്ഷിക്കുന്നതിനാണ് ബിഎംഎസ് പ്രാമുഖ്യം നല്കുന്നതെന്നും അദ്ദേഹം പറഞ്ഞു. സംഘം പ്രസിഡന്റ് പി.എസ്. മനോജ് അദ്ധ്യക്ഷനായി.
ഫെറ്റോ സംസ്ഥാന ജനറല് സെക്രട്ടറി പി.സുനില്കുമാര്, എന്ജിഒ സംഘ് ജില്ലാ സെക്രട്ടറി എം.എസ്. ഹരികുമാര്, സംഘം ജനറല് സെക്രട്ടറി പി.കെ.രമേശ് കുമാര്, കെ.സി.ജയപ്രകാശ്, അരുണ്കുമാര്, ജയപ്രകാശ് ടി.കെ, ശ്രീജിത്ത്, നന്ദകുമാര് എന്നിവര് പ്രസംഗിച്ചു. സമാപന സമ്മേളനം ആര്എസ്എസ് കാര്യകാരി സദസ്യന് അഡ്വ. എന്. ശങ്കര്റാം ഉദ്ഘാടനം ചെയ്തു. സര്വീസില് നിന്ന് ഡെപ്യൂട്ടി രജിസ്ട്രാറായി വിരമിച്ച സംഘം മുന് ജനറല് സെക്രട്ടറി ആര്. രാജീവിന് യാത്രയയപ്പ് നല്കി.
പ്രതികരിക്കാൻ ഇവിടെ എഴുതുക: