ന്യൂദല്ഹി : ആനക്കൊമ്പ് വീട്ടില് സൂക്ഷിച്ചെന്ന കേസില് മോഹന്ലാലിന് വേണ്ടി ഹൈക്കോടതിയില് ഹാജരായത് ചീഫ് ജസ്റ്റിസ് രഞ്ജന് ഗോഗോയുടെ മകള് അഡ്വ. രശ്മി ഗൊഗോയ്. മുന്മന്ത്രി തിരുവഞ്ചൂര് രാധാകൃഷ്ണനടക്കം പ്രതിപ്പട്ടികയിലുള്ള കേസിലാണ് മോഹന്ലാലിന് വേണ്ടി രശ്മി ഗൊഗോയ് ഹാജരായത്.
2012 ജൂണിലാണ് മോഹന്ലാലിനെതിരെയുള്ള ആനക്കൊമ്ബ് കേസിന്റെ തുടക്കം. മോഹന്ലാലിന്റെ തേവരയിലുള്ള വീട്ടില്നിന്നാണ് ആദായ നികുതി വകുപ്പ് നാല് ആനക്കൊമ്പുകള് കണ്ടെടുത്തത്. രഹസ്യ വിവരത്തെ തുടര്ന്ന് നടത്തിയ റെയ്ഡിലായിരുന്നു ഇത്.
ആനക്കൊമ്പുകള് 65,000 രൂപയ്ക്ക് കെ. കൃഷ്ണകുമാര് എന്നയാളില് നിന്നു പണം കൊടുത്തു വാങ്ങിയതാണെന്നും ലാല് അറിയിച്ചത്. എന്നാല്, ആനക്കൊമ്പ് സൂക്ഷിക്കാന് ലൈസന്സ് ഇല്ലാത്ത മോഹന്ലാല് മറ്റ് രണ്ട് പേരുടെ ലൈസന്സിലാണ് ആനക്കൊമ്ബുകള് സൂക്ഷിച്ചത് എന്നായിരുന്നു അന്വേഷണസംഘത്തിന്റെ കണ്ടെത്തല്.
നേരത്തേ കേസില് മോഹന്ലാലിനും തിരുവഞ്ചൂരിനുമെതിരെ മൂവാറ്റുപുഴ വിജിലന്സ് കോടതി അടിയന്തിര അന്വേഷണത്തിന് ഉത്തരവിട്ടിരുന്നു. അഴിമതി നിരോധന നിയമം ലംഘിച്ചെന്ന് കാണിച്ചാണ് ഈ ഉത്തരവിട്ടത്. എന്നാല് ഇതിനെ ചോദ്യം ചെയ്ത് മോഹന്ലാല് ഹൈക്കോടതിയെ ചോദ്യം ചെയ്യുകയും ഈ ഉത്തരവ് റദ്ദാക്കുകയും ചെയ്തു.
പ്രതികരിക്കാൻ ഇവിടെ എഴുതുക: