ന്യൂദല്ഹി : ഇന്ത്യയെ നിലനിര്ത്താന് കോണ്ഗ്രസിനു കഴിയില്ലെന്നും,പാര്ട്ടി ഇല്ലാതാകുന്നതാണ് നല്ലതെന്നും ആംആദ്മി പാര്ട്ടി നേതാവും സ്വരാജ് ഇന്ത്യ മേധാവിയുമായ യോഗേന്ദ്ര യാദവ്. എക്സിറ്റ് പോളിനോട് പ്രതികരിക്കുകയായിരുന്നു അദ്ദേഹം. ബിജെപിയുടെ മുന്നേറ്റം തടയാന് കഴിയാത്ത കോണ്ഗ്രസിന് ഇനി ഇന്ത്യന് ചരിത്രത്തില് ഒരു ക്രിയാത്മക സ്ഥാനവുമില്ല. മാത്രമല്ല ബദലിനുള്ള വലിയ തടസമാണ് ഇന്ന് കോണ്ഗ്രസ്, യാദവ് പറഞ്ഞു.
ബിജെപി യെ പരാജയപ്പെടുത്തി അധികാരത്തിലെത്തി ഇന്ത്യയെ നിലനിര്ത്താന് കോണ്ഗ്രസിനു കഴിയില്ല . പാര്ട്ടിയെ കാത്തിരിക്കുന്നത് സര്വ്വനാശമാണ് . ചരിത്രത്തില് പോലും കോണ്ഗ്രസിനു ഒരു സ്ഥാനവുമുണ്ടാകില്ല . മറ്റ് കക്ഷികളുടെ മുന്നില് പോലും തടസ്സമുണ്ടാക്കുന്നത് കോണ്ഗ്രസാണെന്നും യോഗേന്ദ്ര യാദവ് പ്രതികരിച്ചു .
എക്സിറ്റ് പോളുകള്ക്കും മുന്പ് തന്നെ യോഗേന്ദ്ര യാദവ് ബിജെപിയുടെ വിജയം പ്രവചിച്ചിരുന്നു. ആം ആദ്മി പാര്ട്ടിയുടെ സ്ഥാപക നേതാവായ യോഗേന്ദ്ര യാദവ് 2015 ല് പാര്ട്ടിയില് നിന്ന് പുറത്താക്കപ്പെട്ടിരുന്നു.
പ്രതികരിക്കാൻ ഇവിടെ എഴുതുക: