പ്രത്യക്ഷാദി എട്ടുപ്രമാണങ്ങള്, വേദവിദ്യ, ആത്മശുദ്ധി, സൃഷ്ടിക്രമത്തിനനുകൂലമായ വിചാരം ഇവയ്ക്കനുസൃതമായി സത്യാസത്യങ്ങളെ ശരിയായി നിര്ണ്ണയിക്കുക എന്നതിനെയാണ് പരീക്ഷ എന്നുപറയുന്നത്. ഏതൊരു സിദ്ധാന്തത്തെക്കുറിച്ചും വിലയിരുത്തേണ്ടത് മേല് വിവരിച്ച എട്ടുപ്രമാണങ്ങളാല് പരീക്ഷിച്ചറിഞ്ഞുവേണം. ഇത് വേദവിദ്യയ്ക്കനുരൂപമാണോ? സൃഷ്ടിക്രമത്തിനനുസൃതമാണോ? എന്നിങ്ങനെയുള്ള വസ്തുതകളുടെ
അടിസ്ഥാനത്തിലാവണം അത്. ഉദാഹരണത്തിന് ഒരാള് പറയുന്നു. ഒരാളുടെ ആശീര്വാദത്താല്, മരിച്ചുപോയ ഒരു വ്യക്തി പുനര്ജീവിച്ചു. അതേപോലെ പിതാവില്ലാതെ തന്നെ യേശുക്രിസ്തുവിനെ കന്യാമറിയം പ്രസവിച്ചു. അല്ലെങ്കില് ഹനുമാന് തുടങ്ങിയവര് കുരങ്ങന്മാരുടെ പോലുള്ള വാലും മുഖവും ഉള്ളവരാണ്. ഇതുപോലെ സംഭവിക്കാനിടയില്ലാത്ത, പ്രത്യക്ഷാദി എട്ടുപ്രമാണങ്ങള്, വേദവിദ്യ, സൃഷ്ടിക്രമം എന്നിവയ്ക്ക് വിരുദ്ധമായ മിഥ്യാവചനങ്ങളില് വിശ്വസിക്കരുത്.
പ്രതികരിക്കാൻ ഇവിടെ എഴുതുക: