തിരുവനന്തപുരം: മഞ്ചേരി സര്ക്കാര് മെഡിക്കല് കോളേജില് ആളുമാറി ശസ്ത്രക്രിയ നടത്തിയ സംഭവത്തില് ആരോപണ വിധേയനായ ഡോക്ടറെ സസ്പെന്ഡ് ചെയ്ത് വിശദമായ അന്വേഷണം നടത്തുമെന്ന് ആരോഗ്യ വകുപ്പ് മന്ത്രി കെ.കെ. ഷൈലജ അറിയിച്ചു.
ജീവനക്കാരുടെ അശ്രദ്ധ മൂലം രോഗിക്ക് ബുദ്ധിമുട്ട് അനുഭവിക്കേണ്ടി വരരുതെന്ന് മന്ത്രി പറഞ്ഞു. രോഗിയുടെ ജീവന് വച്ച് പന്താടുന്ന ഒരവസ്ഥയും അംഗീകരിക്കാന് കഴിയില്ല. അതിനാല് തന്നെ കുറ്റക്കാര്ക്കെതിരെ കര്ശന നടപടി സ്വീകരിക്കും.
ശസ്ത്രക്രിയ മാറി നടത്തിയ ഏഴുവയസുകാരന് സൗജന്യ വിദഗ്ധ ചികിത്സ ഉറപ്പാക്കാന് മെഡിക്കല് കോളേജ് പ്രിന്സിപ്പാളിന് നിര്ദേശം നല്കിയിട്ടുണ്ട്. കുട്ടിയുടെ ആരോഗ്യനില തൃപ്തികരമാണെന്ന് പ്രിന്സിപ്പല് അറിയിച്ചിട്ടുണ്ടെന്നും മന്ത്രി വ്യക്തമാക്കി.
പ്രതികരിക്കാൻ ഇവിടെ എഴുതുക: