സൂറത്ത്: ആര്ട്സ് കോച്ചിങ് ട്യൂഷന് സെന്ററില് തീപിടിച്ച് 20 വിദ്യാര്ത്ഥികള് പൊള്ളലേറ്റ് മരിച്ചു. നിരവധി വിദ്യാര്ത്ഥികള് തീപിടിച്ച കെട്ടിടത്തില് താഴേക്ക് ചാടി രക്ഷപ്പെട്ടു. ചാടി രക്ഷപ്പെടാന് ശ്രമിച്ചവരില് മൂന്ന് പേര് മരിച്ചു.
കോച്ചിങ് സെന്ററിലെ മൂന്നാം നിലയില് പ്രവര്ത്തിക്കുന്ന സ്മാര്ട്ട് ഡിസൈന് സ്റ്റുഡിയോയിലാണ് തീപിടുത്തമുണ്ടായത്. എസിയിലെ ഷോര്ട്ട് സര്ക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം.
അഗ്നിരക്ഷ ഉദ്യോഗസ്ഥര് സ്ഥലത്തെത്തി കുട്ടികളുടെ മൃതദേഹങ്ങള് പുറത്തെടുത്തു. മരിച്ചവരെല്ലാം 19 വയസ്സിന് താഴെയുള്ളവരാണ്. മൃതദേഹങ്ങള് കത്തിക്കരിഞ്ഞ് തിരിച്ചറിയാനാകാത്ത നിലയിലായിരുന്നു. അതേസമയം രക്ഷാ പ്രവര്ത്തനത്തിന് അഗ്നിശമന സേനയെത്താന് വൈകിയതാണ് മരണ സംഖ്യ ഇത്രയും ഉയരാന് കാരണമെന്നും ആരോപണം ഉയര്ന്നിട്ടുണ്ട്.
പ്രതികരിക്കാൻ ഇവിടെ എഴുതുക: