തിരുവനന്തപുരം: കിഫ്ബി പദ്ധതികള്ക്ക് പണം സ്വരൂപിക്കുന്നതിനായി സംസ്ഥാന സര്ക്കാര് ഇറക്കുന്ന മസാല ബോണ്ടുകള് അധിക സാമ്പത്തിക ബാധ്യതക്ക് ഇടയാക്കുമെന്ന ആരോപണത്തില് നിയമസഭയില് പ്രത്യേക ചര്ച്ചക്ക് തയ്യാറാണെന്ന് സര്ക്കാര്. മസാല ബോണ്ടിലെ വ്യവസ്ഥകള് ദുരൂഹമാണെന്നും സംസ്ഥാന സര്ക്കാരിന് വലിയ സാമ്പത്തിക ബാധ്യതക്ക് ഇടയാക്കുമെന്നും അതുകൊണ്ട് വിഷയം സഭ നിര്ത്തിവെച്ച് ചര്ച്ച ചെയ്യണമെന്നുമായിരുന്നു പ്രതിപക്ഷം അടിയന്തര പ്രമേയ നോട്ടീസില് ആവശ്യപ്പെട്ടത്.
കെഎസ് ശബരീനാഥന് എംഎല്എ നല്കിയ നോട്ടീസനുസരിച്ച് സഭയില് പ്രത്യേക ചര്ച്ച ആകാമെന്ന് സര്ക്കാര് നിലപാടെടുത്തു. ശ്രദ്ധ ക്ഷണിക്കലും സബ്മിഷനും ശേഷം വിഷയം ചര്ച്ച ചെയ്യാനാണ് തീരുമാനം. കിഫ്ബി പദ്ധതികള്ക്ക് പണം സമാഹരിക്കുന്നതിന് മസാല ബോണ്ട് ഇറക്കാനുള്ള സര്ക്കാര് തീരുമാനം തെരഞ്ഞെടുപ്പ് കാലത്ത് അടക്കം വലിയ വിവാദമായിരുന്നു.
കക്ഷി നേതാക്കളെല്ലാം ചര്ച്ചയില് പങ്കെടുക്കും. മുഖ്യമന്ത്രിയുടെ ലണ്ടന് യാത്രയും സ്റ്റോക് എക്സചേഞ്ചില് മണി മുഴക്കിയതുമെല്ലാം വലിയ വിമര്ശനത്തിനും പരിഹാസത്തിനും ഇടയാക്കുകയും ചെയ്തിരുന്നു.
പ്രതികരിക്കാൻ ഇവിടെ എഴുതുക: