കൊച്ചി തുറമുഖ ട്രസ്റ്റ് ദിനാഘോഷം എംപിഇഡിഎ ചെയര്മാന് കെ.എസ്. ശ്രീനിവാസ് ഉദ്ഘാടനം ചെയ്യുന്നു
മട്ടാഞ്ചേരി: രാജ്യത്തെ ഏറ്റവും മികച്ച തുറമുഖമാണ് കൊച്ചി തുറമുഖമെന്നും വിവിധ തല വികസന നേട്ടങ്ങളുമായി മുന്നേറുകയാണെന്നും തുറമുഖ ട്രസ്റ്റ് ചെയര്പേഴ്സണ് എം. ബീന ഐഎഎസ്. കൊച്ചി തുറമുഖ ട്രസ്റ്റ് ദിനാഘോഷ ചടങ്ങില് അധ്യക്ഷ പ്രസംഗം നടത്തുകയായിരുന്നു അവര്.
കൊച്ചിയുടെ വികസനത്തില് തുറമുഖത്തിന്റെ പങ്ക് വലുതാണ്. ഇന്ത്യയില് അതിവേഗം വളരുന്ന തുറമുഖങ്ങളില് മൂന്നാമതായ കൊച്ചി തുറമുഖം കഴിഞ്ഞ രണ്ടു വര്ഷമായി ലാഭനേട്ടം കൈവരിച്ചു. കയറ്റിറക്കുമതിയുടെ വിവിധ തലങ്ങളില് ദേശീയ ശരാശരിയെക്കാള് ഉയര്ന്നനിരക്കിലാണ് കൊച്ചി തുറമുഖ പ്രവര്ത്തനനിരക്ക്. കൊച്ചി ഫിഷറീസ് ഹാര്ബര് ഒന്നാംനിര മത്സ്യ ബന്ധന യാനങ്ങളുടെ ഹാര്ബറായി മാറി.
സമുദ്രോല്പന്ന കയറ്റുമതിയില് കൊച്ചി തുറമുഖം മുന്നിരയിലാണന്ന് എംപിഇഡിഎ ചെയര്മാന് കെ.എസ്. ശ്രീനിവാസ് ഉദ്ഘാടനപ്രസംഗത്തില് പറഞ്ഞു. കഴിഞ്ഞവര്ഷം ഒരു ലക്ഷം ടണ് സമുദ്രോല്പന്നമാണ് കൊച്ചി വഴി കയറ്റുമതി നടത്തിയത്. ആദേഹം പറഞ്ഞു. ഡെപ്യൂട്ടി ചെയര്മാന് എ.വി. രമണ, ട്രാഫിക്ക്മാനേജര് പ്രജിതാകുമാരി, ജി വൈദ്യനാഥന് സംസാരിച്ചു.
പ്രതികരിക്കാൻ ഇവിടെ എഴുതുക: