ന്യൂദല്ഹി : ലോക്സഭാ തെരഞ്ഞെടുപ്പിലെ കനത്ത തോല്വിയുടെ പശ്ചാത്തലത്തില് വെള്ളിയാഴ്ച നടത്താനിരുന്ന പ്രതിപക്ഷ പാര്ട്ടി നേതാക്കളുടെ യോഗം റദ്ദാക്കി. ചില പ്രതിപക്ഷ നേതാക്കളുടെ അസൗകര്യം കണക്കിലെടുത്താണ് യോഗം റദ്ദാക്കിയതെന്നാണ് വിശദീകരണം.
ഇതിനിടെ ലോക്സഭാ പ്രതിപക്ഷ നേതൃസ്ഥാനം ഉറപ്പിക്കാന് കോണ്ഗ്രസും എന്സിപിയും ലയിക്കുമെന്ന് അഭ്യൂഹങ്ങള് നിലനിന്നിരുന്നു. കോണ്ഗ്രസ് അധ്യക്ഷന് രാഹുല് ഗാന്ധി ശരദ് പവാറുമായി കൂടിക്കാഴ്ചത്തിയതോടെയാണ് ഈ അഭ്യൂഹങ്ങള് പരന്നത്.
എന്നാല് മഹാരാഷ്ട്രാ നിയമസഭാ തെരഞ്ഞെടുപ്പും വരള്ച്ചയുമാണ് ചര്ച്ച ചെയ്തെന്ന് ശരദ് പവാര് പിന്നീട് അറിയിക്കുകയായിരുന്നു. ഇരു പാര്ട്ടികളും തമ്മിലുള്ള ലയനത്തെക്കുറിച്ച് അറിയില്ലെന്നാണ് ഇരു പാര്ട്ടികളുടെയും സംസ്ഥാന നേതാക്കള് പറയുന്നത്. ലോക്സഭാ കക്ഷി നേതാവിനെ തെരഞ്ഞെടുക്കാന് കോണ്ഗ്രസ് എംപിമാര് ശനിയാഴ്ച യോഗം ചേരുന്നുണ്ട്.
കോണ്ഗ്രസിന് 52 അംഗങ്ങള് മാത്രമാണ് ലോക്സഭയിലുള്ളത്. എന്നാല് ലോക്സഭാ പ്രതിപക്ഷ നേതൃപദവി ഉറപ്പിക്കാന് 55 അംഗങ്ങള് വേണം. എന്സിപിക്ക് അഞ്ച് അംഗങ്ങളുണ്ട്. അതിനാല് ഇരു പാര്ട്ടികളും ഒന്നിച്ചു നിന്നാല് പ്രതിപക്ഷ നേതൃപദവി ലഭിക്കുമെന്നാണ് വിലയിരുത്തല്.
പ്രതികരിക്കാൻ ഇവിടെ എഴുതുക: