കൊച്ചി: എറണാകുളം ജില്ലയില് നിപ വൈറസ് ബാധ സ്ഥിരീകരിക്കപ്പെട്ടെന്ന വാര്ത്തകള് അടിസ്ഥാനരഹിതമാണെന്ന് ജില്ലാ കളക്ടര് മുഹമ്മദ് വൈ സഫീറുള്ള. പനി ബാധിതരായി എത്തുന്ന രോഗികളില് നിപയുടെ ലക്ഷണങ്ങള് ഉണ്ടെന്നു തോന്നിയാല് അത് സ്ഥിരീകരിക്കാന് കൂടുതല് പരിശോധനകള് നടത്തുന്നത് നടപടിക്രമങ്ങളുടെ ഭാഗം മാത്രമാണ്. ഇതില് ആശങ്കപ്പെടാന് ഒന്നുമില്ലെന്നും കളക്ടര് വ്യക്തമാക്കി.
‘ എറണാകുളത്തെ ഒരു സ്വകാര്യ ആശുപത്രിയില് പനിയുടെ ലക്ഷണങ്ങളോടെ ചികിത്സ തേടിയ ഒരാള്ക്ക് നിപ വൈറസ് ബാധ സ്ഥിരീകരിക്കപ്പെട്ടു എന്ന് ചില ഓണ്ലൈന് മാധ്യമങ്ങള് വാര്ത്ത നല്കിയിരുന്നു.
എറണാകുളത്തെ ഒരു ആശുപത്രിയില് പ്രവേശിപ്പിച്ച രോഗിയില് നിപ്പ വൈറസ് ബാധ സ്ഥിരീകരിച്ചു എന്ന രീതിയില് സമൂഹ മാധ്യമങ്ങളില് വരുന്ന വാര്ത്തകള് അടിസ്ഥാനരഹിതമാണെന്ന് ജില്ലാ കളക്ടര് മുഹമ്മദ് വൈ സഫീറുള്ള അറിയിച്ചു.
പനി ബാധിതരായി എത്തുന്ന രോഗികളില് നിപയുടെ ലക്ഷണങ്ങള് ഉണ്ടെന്നു തോന്നിയാല് അത് സ്ഥിരീകരിക്കാന് കൂടുതല് പരിശോധനകള് നടത്തുന്നത് നടപടിക്രമങ്ങളുടെ ഭാഗം മാത്രമാണ്. ഇതില് ആശങ്കപ്പെടാന് ഒന്നുമില്ല.’
പരിശോധനയുടെ അടിസ്ഥാനത്തില് രോഗം സ്ഥിരീകരിക്കപ്പെട്ടാല് ഇത് സംബന്ധിച്ച് ഔദ്യോഗികമായ അറിയിപ്പ് ജില്ലാ ഭരണകൂടം നല്കുന്നതും മുന്കരുതലുകള് സ്വീകരിക്കുന്നതുമാണ്. ജനങ്ങള്ക്കിടയില് ആശങ്കയും ഭീതിയും പരത്തുന്നതില് നിന്നും ബന്ധപ്പെട്ടവര് വിട്ടുനില്ക്കണമെന്ന് കളക്ടര് അഭ്യര്ത്ഥിച്ചു.
പ്രതികരിക്കാൻ ഇവിടെ എഴുതുക: