അയോദ്ധ്യ: പ്രധാനമന്ത്രി നരേന്ദ്രമോദി ഇന്ത്യയെ ലോകത്തിലെ ഏറ്റവും വലിയ ശക്തിയാക്കി മാറ്റുമെന്ന് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്. അയോദ്ധ്യയില് വലിയ മാറ്റങ്ങള് ഉണ്ടാകുമെന്നും അയോദ്ധ്യയില് രാമക്ഷേത്രം പണിയുകയെന്നതാണ് തങ്ങളുടെ ആഗ്രഹമെന്നും അദ്ദേഹം പറഞ്ഞു.അയോദ്ധ്യയിലെ ശോധ് സന്സ്ഥനില് സ്ഥാപിച്ച ശ്രീരാമ പ്രതിമ അനാച്ഛാദനം ചെയ്ത് സംസാരിക്കുകയായിരുന്നു അദ്ദേഹം.
ഇന്ത്യയിലെ ജനങ്ങള് രാജ്യത്തെ മോശം കാര്യങ്ങളെ തള്ളിക്കളഞ്ഞു. രാജ്യം സുരക്ഷിതമാണെങ്കില് മാത്രമെ മതം സുരക്ഷിതമാകുകയുള്ളെന്നും ദേശീയത എന്ന ലക്ഷ്യമാകണം നമുക്ക് ഓരോരുത്തര്ക്കും ഉണ്ടാവേണ്ടത് എന്നും അദ്ദേഹം കൂട്ടി ചേര്ത്തു. അയോദ്ധ്യയിലെ വികസന പ്രവര്ത്തനങ്ങളെ വിലയിരുത്തിയ ശേഷമാണ് യോഗി ആദിത്യനാഥ് മടങ്ങിയത്.
പ്രതികരിക്കാൻ ഇവിടെ എഴുതുക: