ലണ്ടന്: ഏകദിന ക്രിക്കറ്റില് ഓസ്ട്രേലിയക്കെതിരെ രണ്ടായിരം റണ്സ് നേടുന്ന രണ്ടാമത്തെ ഇന്ത്യന്താരമെന്ന ബഹുമതി രോഹിത് ശര്മയ്്ക്ക്. ഓസ്ട്രേലിയക്കെതിരായ ലോകകപ്പ് മത്സരത്തിലാണ് ഈ നേട്ടം കൈവരിച്ചത്. രണ്ടായിരം തികയ്ക്കാന് ഇരുപത് റണ്സ് വേണ്ടിയിരുന്ന ശര്മ പതിമൂന്നാം ഓവറില് ഗ്ലെന് മാക്സ്വെല്ലിന്റെ പന്ത് അതിര്ത്തികടത്തി രണ്ടായിരത്തിലെത്തി. ഒടുവില് 70 പന്തില് 57 റണ്സുമായി ശര്മ ക്രീസ് വിട്ടു.
സച്ചിന് ടെന്ഡുല്ക്കറാണ് ഓസ്ട്രേലിയക്കെതിരെ ആദ്യം രണ്ടായിരം റണ്സ് തികച്ച ഇന്ത്യന് താരം. സച്ചിന് ഓസീസിനെതിരെ 3077 റണ്സ് നേടിയിട്ടുണ്ട്. വിന്ഡീസിന്റെ ഡെസ്മണ്ട് ഹെയ്ന്സും (2262) വിവിയന് റിച്ചാര്ഡ്സുമാണ് (2187) പിന്നില്. ഓസ്ട്രേലിയക്കെതിരെ രണ്ടായിരം റണ്സ് നേടുന്ന ലോകത്തെ നാലാമത്തെ ബാറ്റ്സ്മാനാണ് രോഹിത് ശര്മ. 37 ഇന്നിങ്ങ്സിലാണ് രണ്ടായിരം തികച്ചത്.
പ്രതികരിക്കാൻ ഇവിടെ എഴുതുക: