ഹൈദരാബാദ്: നാല്പ്പത് കോടി രൂപ വില മതിക്കുന്ന 10.8 ടണ് വെള്ളി കടത്തിയിരുന്ന രണ്ട് കണ്ടെയ്നര് ലോറികള് പോലീസ് പിടിച്ചെടുത്തു. ഇന്നലെ രാവിലെ ഹൈദരാബാദിനു സമീപം ബൊവെന്പള്ളിയില് നിന്നുമാണ് കണ്ടെയ്നറുകള് പിടികൂടിയത്. ലോറികളുടെ ഡ്രൈവര്മാര് രണ്ട് സെക്യൂരിറ്റി ഗാര്ഡുകള് എന്നിവരെ കസ്റ്റഡിയിലെടുത്തു.
കടല് മാര്ഗം ലണ്ടനില് നിന്നും ചെന്നൈയിലെത്തിച്ച കണ്ടെയ്നറുകള് ഹൈദരാബാദിലേക്ക് കൊണ്ടുപോകുകയായിരുന്നു എന്നാണ് പ്രാഥമിക വിവരം. കണ്ടെയ്നറുകള്ക്കുള്ളില് 9,000 വെള്ളിക്കട്ടകള് കണ്ടെത്തി. ഡ്രൈവര്മാരുടെ പക്കല് നിന്നും കണ്ടെയ്നറുകള് കൊണ്ടുപോകുന്നതിനുള്ള മതിയായ രേഖകള് ലഭിച്ചില്ല.
പ്രതികരിക്കാൻ ഇവിടെ എഴുതുക: