മാഡ്രിഡ്: യൂറോപ്യന് കപ്പ് യോഗ്യതാ മത്സരത്തില് സ്പെയിന് തുടര്ച്ചയായ നാലാം വിജയം. സാന്റിയാഗോ ബെര്ണാബേയില് നടന്ന മത്സരത്തില് അവര് ഏകപക്ഷീയമായ മൂന്ന ഗോളുകള്ക്ക് സ്വീഡനെ പരാജയപ്പെടുത്തി.
മത്സരത്തിലുടനീളം സ്പാനിഷ് ആധിപത്യമായിരുന്നു.രണ്ടാം പകുതിയിലാണ് മൂന്ന്്
ഗോളുകളും പിറന്നത്. 64-ാം മിനിറ്റില് ക്യാപ്റ്റന് സെര്ജിയോ റാമോസും 85-ാം മിനിറ്റില് അല്വാറോ മൊറാട്ടയും പെനാല്റ്റിയിലൂടെ ഗോള് നേടി. പകരക്കാരനായി ഇറങ്ങിയ മൈക്കിള് 87-ാം മിനിറ്റില് സ്പെയിനിന്റെ മൂന്നാം ഗോളും കുറിച്ചു.
ഈ വിജയത്തോടെ സ്പെയിന് ഗ്രൂപ്പ് എഫില് 12 പോയിന്റുമായി ഒന്നാം സ്ഥാനത്തെത്തി. സ്പെയിനിനോട് തോറ്റെങ്കിലും സ്വീഡന് റുമാനിയക്കൊപ്പം രണ്ടാം സ്ഥാനത്താണ്. ഇരു ടീമുകള്ക്കും ഏഴ് പോയിന്റ് വീതമുണ്ട്. റുമാനിയ മറ്റൊരു മത്സരത്തില് എതിരില്ലാത്ത നാലു ഗോളുകള്ക്ക് മാള്ട്ടയെ തോല്പ്പിച്ചു.
പ്രതികരിക്കാൻ ഇവിടെ എഴുതുക: