കുവൈത്ത് പരിസ്ഥിതിദിനാഘോഷം, പച്ചക്കുടയും പ്രകൃതിയും കുട്ടികളുമായി ബാലവേദി

Wednesday 12 June 2019 11:26 am IST

കുവൈത്ത് സിറ്റി: കുവൈത്തിലെ മലയാളി കുട്ടികളുടെ സർഗ്ഗവേദിയായ ബാലവേദി കുവൈറ്റ് ഫഹാഹീൽ മേഖല കമ്മിറ്റിയുടേ കീഴിൽ പരിസ്ഥിതി ദിനാഘോഷത്തിന്റെ ഭാഗമായി പച്ചക്കുട, പ്രകൃതിയും കുട്ടികളും എന്ന പേരിൽ പരിസ്ഥിതി ദിനാഘോഷം സംഘടിപ്പിച്ചു. ബാലവേദി കുവൈറ്റ് മേഖല പ്രസിഡന്റ് ഋഷി പി കരുണിന്റെ അധ്യക്ഷതയിൽ നടന്ന ആഘോഷ പരിപാടി കേരള ആർട്ട് ലവേഴ്സ് അസോസിയേഷൻ, കല കുവൈത്ത് പ്രസിഡന്റ് ടിവി ഹിക്‌മത്ത് ഉദ്ഘാടനം ചെയ്തു. 

ബാലവേദി കുവൈറ്റ് ഫഹാഹീൽ മേഖല വൈസ് പ്രസിഡന്റ് അവനി വിനോദ് പരിസ്ഥിതി ദിന സന്ദേശം നൽകി. ബാലവേദി കുവൈത്ത് കേന്ദ്ര രക്ഷാധികാരി കൺവീനർ തോമസ് എബ്രഹാം, കല കുവൈറ്റ് ഫഹാഹീൽ മേഖല സെക്രട്ടറി ഷാജു വി ഹനീഫ്, ബാലവേദി കുവൈറ്റ് ജനറൽ സെക്രട്ടറി സെൻ‌സ അനിൽ എന്നിവർ ആശംസകൾ അർപ്പിച്ച് സംസാരിച്ചു. ബാലവേദി കുവൈത്ത് മേഖല രക്ഷാധികാരി സമിതി കൺ‌വീനർ ജ്യോതിഷ് പി‌ജി പരിപാടിയിൽ സംബന്ധിച്ചു. 

കല കുവൈത്ത് മേഖല പ്രസിഡന്റ് സജീവ് മാന്താനം കുട്ടികൾക്ക് കവിത ചൊല്ലിക്കൊടുത്തു. ബാലവേദി അംഗങ്ങളായ അനഘ മനോജ്, ഗൗതം വിനീത് എന്നിവർ വേദിയിൽ കവിതകൾ ആലപിച്ചു. മംഗഫ് കല സെന്റര്‍  ലൈബ്രറിയിലേക്ക് യൂണിറ്റ് അംഗം ലിയോ കൊണ്ടുവന്ന പുസ്തകങ്ങൾ വേദിയിൽ വെച്ച് കൈമാറി. ബാലവേദി ഫഹാഹീൽ മേഖല പ്രസിഡന്റ് ആൻസിലി തോമസ് സ്വാഗതം ആശംസിച്ച ചടങ്ങിന് ബാലവേദി അംഗം അഭിരാം അനൂപ് നന്ദി രേഖപ്പെടുത്തി. 

കല കുവൈത്ത് കേന്ദ്രക്കമ്മിറ്റി അംഗം ഡോ: വിവി രംഗന്റെ നേതൃത്വത്തിൽ നടന്ന ഹെർ‌ബേറിയം നിർമ്മാണ പരിശീലനവും ഡോക്യുമെന്ററി പ്രദർശനവും കുട്ടികൾക്ക് വിജ്ഞാനപ്രദമായി മാറി.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.