ടാന്ടണ്: ഓപ്പണര് ഡേവിഡ് വാര്ണറുടെ സെഞ്ചുറിയും ക്യാപ്റ്റന് ആരോണ് ഫിഞ്ചിന്റെ മിന്നുന്ന ബാറ്റിങ്ങും ഓസീസിന് മികച്ച സ്കോര് സമ്മാനിച്ചു. പാക്കിസ്ഥാനെതിരായ ലോകകപ്പ് മത്സരത്തില് ടോസ് നഷ്ടപ്പെട്ട് ബാറ്റ് ചെയ്ത ഓസീസ് 49 ഓവറില് 307 റണ്സിന് ഓള് ഔട്ടായി.
വാര്ണര് 117 പന്തില് 107 റണ്സ് നേടി. പതിനൊന്ന് ഫോറും ഒരു സിക്സറും അടിച്ചു. വാര്ണറുടെ പതിനഞ്ചാം സെഞ്ചുറിയാണിത്. ലോകകപ്പിലെ രണ്ടാം സെഞ്ചുറിയും. പാക്കിസ്ഥാനെതിരെ വാര്ണറുടെ തുടര്ച്ചയായ മൂന്നാം സെഞ്ചുറിയാണിത്. 2017 ജനവരി 22 ന് സിഡ്നിയിലും 26 ന് അഡ്ലെയ്ഡിലും വാര്ണര് പാക്കിസ്ഥാനെതിരെ സെഞ്ചുറി നേടിയിരുന്നു.
ഫിഞ്ച് 84 പന്തില് 82 റണ്സ് അടിച്ചെടുത്തു. ആറു ഫോറും നാല് സിക്സറും ഉള്പ്പെട്ട ഇന്നിങ്ങ്സ്.വാര്ണറും ഫിഞ്ചും ആദ്യ വിക്കറ്റില് 146 റണ്സ് നേടി ഓസീസിന് ഉജ്ജ്വല തുടക്കം നല്കി. പക്ഷെ ഇതു മുതലാക്കാന് മധ്യനിരയ്ക്ക് കഴിഞ്ഞില്ല. 42-ാം ഓവറില് നാലിന് 277 റണ്സെന്ന ശക്തമായി നിലയിലായിരുന്നു ഓസ്ട്രേലിയ. പേസര് അമീറിന്റെ നേതൃത്വത്തില് പാക്കിസ്ഥാന് തിരിച്ചടിച്ചതോടെ ഓസ്ട്രേലിയയുടെ അവസാന ആറു വിക്കറ്റുകള് ഏഴ് ഓവറില് 30 റണ്സിന് നിലം പൊത്തി. ഓസീസ് നായകന് ഫിഞ്ചിന്റേതുള്പ്പെടെ അഞ്ചു വിക്കറ്റുകള് അമീര് പോക്കറ്റിലാക്കി. പത്ത്് ഓവറില് 30 റണ്സാണ് വിട്ടുകൊടുത്തത്. രണ്ട് ഓവര് മെയ്ഡനായിരുന്നു.
ഓസീസിന്റെ വെടിക്കെട്ട് ബാറ്റ്സ്മാന്മാരായ മാക്സ്വെല്ലും സ്മിത്തും അനായാസം കീഴടങ്ങി.
സ്മിത്ത് പത്ത് റണ്സിനും മാക്സ്വെല് 20 റണ്സിനും പുറത്തായി. ഇന്ത്യക്കെതിരായ മത്സരത്തില് അര്ധ സെഞ്ചുറി കുറിച്ച വിക്കറ്റ് കീപ്പര് കാറി 20 റണ്സിന് കീഴടങ്ങി.
ഷഹീന് ഷാ അഫ്രീദി പത്ത് ഓവറില് 70 റണ്സിന് രണ്ട് വിക്കറ്റ് വീഴ്ത്തി. ഹസന് അലി, വഹാബ് റിയാസ്, മുഹമ്മദ് ഹഫീസ് എന്നിവര്ക്ക് ഓരോ വിക്കറ്റ് ലഭിച്ചു.
ടോസ് നേടിയ പാക്കിസ്ഥാന് ഓസീസിനെ ബാറ്റിങ്ങിനയക്കുകയായിരുന്നു.
സ്കോര്ബോര്ഡ്
ഓസ്ട്രേലിയ: ആരോണ് ഫിഞ്ച് സി മുഹമ്മദ് ഹഫീസ് ബി മുഹമ്മദ് അമീര് 82, ഡേവിഡ് വാര്ണര് സി ഇമാം ഉള് ഹഖ് ബി ഷഹീന് ഷാ അഫ്രീദി 107, സ്റ്റീവ് സ്മിത്ത് സി ആസിഫ് അലി ബി മുഹമ്മദ് ഹഫീസ് 10, ഗ്ലെന് മാക്സ്വെല് ബി ഷഹീന് ഷാ അഫ്രീദി 20, ഷോണ് മാര്ഷ്് സി ഷോയ്ബ് മാലിക്ക് ബി മുഹമ്മദ് അമീര് 23, ഖവാജ സി വഹാബ് ബി മുഹമ്മദ് അമീര് 18, കാറി എല്ബിഡബ്ളിയു ബി മുഹമ്മദ് അമീര് 20, കോള്ട്ടര് നൈല് സി സര്ഫ്രസ് അഹമ്മദ് ബി വഹാബ് റിയാസ് 2, കമ്മിന്സ്് സി സര്ഫ്രസ് അഹമ്മദ് ബി ഹസന് അലി 2, മിച്ചല് സ്റ്റാര്ക്ക് സി ഷോയബ് മാലിക്ക് ബി മുഹമ്മദ് അമീര് 3, റിച്ചാര്ഡ്സണ് നോട്ടൗട്ട് 1, എക്സ്ട്രാസ്് 19, ആകെ 49 ഓവറില് 307.
വിക്കറ്റ് വീഴ്ച: 1-146, 2-189, 3-223, 4-242, 5-277, 6-288, 7-299, 8-302, 9-304.
ബൗളിങ്: മുഹമ്മദ് അമീര് 10-2-30-5, ഷഹീന് ഷാ അഫ്രീദി 10-0-70-2, ഹസന് അലി 10-0-67-1, വഹാബ് റിയാസ് 8-0-44-1, മുഹമ്മദ് ഹഫീസ് 7-0-60-1, ഷൊയബ് മാലിക് 4-0-26-0.
പ്രതികരിക്കാൻ ഇവിടെ എഴുതുക: