മുംബൈ: കേരളത്തിലെ സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന് ബിനോയ് കോടിയേരിക്കെതിരെ മുംബൈയില് മാനഭംഗക്കേസ്.
ദുബായില് ബാര് ഡാന്സറായിരുന്ന ബിഹാര് സ്വദേശി പരാതി ബിനോയിക്കെതിരെ നല്കിയ പരാതി ദേശീയ മാധ്യമമായ ‘ടൈംസ് ഓഫ് ഇന്ത്യ’യാണ് പുറത്തുവിട്ടിരിക്കുന്നത്.
വിവാഹ വാഗ്ദാനം നല്കി 2009 മുതല് 2018 വരെ പീഡിപ്പിച്ചെന്നു പരാതിയില് പറയുന്നു. ബന്ധത്തില് എട്ടു വയസ്സുള്ള കുട്ടിയുണ്ടെന്നും അന്ധേരിയിലെ ഒഷിവാര പൊലീസ് സ്റ്റേഷനില് കഴിഞ്ഞ വ്യാഴാഴ്ച നല്കിയ പരാതിയില് മുപ്പത്തിമൂന്നുകാരിയായ യുവതി ആരോപിച്ചു.
പരാതിയുടെ അടിസ്ഥാനത്തില് ബിനീഷിനെതിരെ പൊലീസ് എഫ്ഐആര് റജിസ്റ്റര് ചെയ്തു. മാനഭംഗം, വഞ്ചന, ഭീഷണിപ്പെടുത്തല് തുടങ്ങിയ കുറ്റങ്ങളാണ് ബിനീഷിനെതിരെ ചുമത്തിയിരിക്കുന്നത്. കേസില് അന്വേഷണം ആരംഭിച്ചെന്നും കൃത്യമായ തെളിവുകളുടെ അടിസ്ഥാനത്തിലെ നടപടി സ്വീകരിക്കുവെന്നും പൊലീസ് വ്യക്തമാക്കി.
പ്രതികരിക്കാൻ ഇവിടെ എഴുതുക: