കല്പ്പറ്റ:ഫോണിലൂട യുവതിയോട് അശ്ലീലച്ചുവയുള്ള സംഭാഷണം നടത്തിയെന്ന് ആരോപണത്തില് നടന് വിനായകനെ ഇന്ന് അറസ്റ്റ് ചെയ്തേക്കും. സംഭവവുമായി ബന്ധപ്പെട്ട് യുവതിയുടെ മൊഴി പോലീസ് കഴിഞ്ഞ ദിവസം രേഖപ്പെടുത്തിയിരുന്നു. വിനായകന് സംസാരിച്ച ഫോണ് റെക്കോര്ഡ് യുവതി പോലീസിന് മുന്നില് ഹാജരാക്കിയിരുന്നു.
ഒരു പരിപാടിക്ക് ക്ഷണിക്കാന് വേണ്ടി വിളിച്ചപ്പോള് അസഭ്യം പറഞ്ഞെന്നും അശ്ലീലച്ചുവയോടെ സംസാരിച്ചെന്നുമായിരുന്നു ദളിത് ആക്ടിവിസ്റ്റ് പരാതിപ്പെട്ടത്. കേട്ടാല് അറയ്ക്കുന്ന രീതിയില് നടന് തന്നോട് സംസാരിച്ചെന്നാണ് യുവതിയുടെ പരാതി. കല്പ്പറ്റ പോലീസാണ് കേസ് റജിസ്റ്റര് ചെയ്തത്. ഐപിസി 506, 294 ബി, കെപിഎ 120, 120 എന്നീ വകുപ്പുകളാണ് ചുമത്തിയിരിക്കുന്നത്.
വിനായകനെതിരായ ജാതീയാധിക്ഷേപങ്ങള് സാമൂഹ്യമാധ്യമങ്ങളില് ഉയര്ന്നപ്പോഴുള്ള പ്രതികരണമായാണ് ദളിത് ആക്ടിവിസ്റ്റ് ഫേസ്ബുക്കില് സ്വന്തം അനുഭവം തുറന്ന് പറഞ്ഞ് പോസ്റ്റ് ഇട്ടത്.
ലോക്സഭാ തെരഞ്ഞെടുപ്പുമായി ബന്ധപ്പെട്ട് സമൂഹ മാധ്യമങ്ങളില് പോസ്റ്റിട്ടതിനെ തുടര്ന്ന് വിനായകനെതിരെ രൂക്ഷ വിമര്ശനം ഉയര്ന്നിരുന്നു. ഇതിന് പിന്നാലെയാണ് ദളിത് ആക്ടിവിസ്റ്റ് തനിക്ക് വിനായകനില് നിന്ന് നേരിട്ട അനുഭവം വ്യക്തമാക്കിയത്.
പ്രതികരിക്കാൻ ഇവിടെ എഴുതുക: