കാസര്ഗോഡ്: സിപിഎം തൊഴിലാളി സംഘടനയായ സിഐടിയുവിന്റെ സംസ്ഥാന നേതൃത്വത്തില് മാറ്റം. ആനത്തലവട്ടം ആനന്ദനെ സംസ്ഥാന പ്രസിഡന്റായും എളമരം കരീമിനെ സംസ്ഥാന സെക്രട്ടറിയായും തെരഞ്ഞെടുത്തു. 13 വൈസ് പ്രസിഡന്റുമാരെയും 14 സെക്രട്ടറിമാരെയും തെരഞ്ഞെടുത്തിട്ടുണ്ട്. കെ.എം സുധാകരന് ആണ് ട്രഷറര്.
കാസര്ഗോഡ് നടന്ന പന്ത്രണ്ടാമത് സംസ്ഥാന സമ്മേളനത്തിലാണ് എം.എം ലോറന്സ് അടങ്ങുന്ന നിലവിലെ നേതൃത്വത്തെ മാറ്റിയത്. സിപിഎം സംസ്ഥാന സെക്രട്ടറിയേറ്റാണ് കഴിഞ്ഞ ദിവസം സിഐടിയു നേതൃത്വത്തെ മാറ്റാന് തീരുമാനിച്ചത്. 156 അംഗ സംസ്ഥാന കമ്മറ്റിയെയും തെരഞ്ഞെടുത്തിട്ടുണ്ട്.
പ്രതികരിക്കാൻ ഇവിടെ എഴുതുക: