കോട്ടയം: കോട്ടയം ജില്ലയിലെ പ്രഥമ എഫ്.എം. റേഡിയോ 90.8 റേഡിയോ മീഡിയാ വില്ലേജിന്റെ ജന്മദിനസമ്മേളനവും സാമൂഹ്യക്ഷേമ പദ്ധതികളുടെ ഉത്ഘാടനവും 0ന് വൈകിട്ട് 6 ന് ചങ്ങനാശ്ശേരി മീഡിയാ വില്ലേജ് ആഡിറ്റോറിയത്തില് ആഭ്യന്തരമന്ത്രി തിരുവഞ്ചൂര് രാധാകൃഷ്ണന് നിര്വ്വഹിക്കും. മാര് ജോസഫ് പെരുന്തോട്ടം അദ്ധ്യക്ഷത വഹിക്കും. മാര് ജോസഫ് പവ്വത്തില് അനുഗ്രഹ പ്രഭാഷണം നടത്തും. സി.എഫ്. തോമസ് എംഎല്എ, മുനിസിപ്പല് ചെയര്പേഴ്സണ് സ്മിതാ ജയന്, റവ. ഡോ. ജോസഫ് മുണ്ടകത്തില്, റവ.ഡോ. ജെയിംസ് പാലയ്ക്കല്, സ്റ്റേഷന് ഡയറക്ടര് ഫാ. സെബാസ്റ്റ്യന് പുന്നശേരി, ഫാ. ആന്റണി എത്തക്കാട്ട്, അഡ്വ: ടോമി കണയംപ്ലാക്കല് എന്നിവര് പ്രസംഗിക്കും. മ്യൂസിക് ധമാക്കയുടെ ഉത്ഘാടനം പിന്നണി ഗായിക കത്രീന നിര്വ്വഹിക്കും. റേഡിയോയുടെ ജീവകാരുണ്യ പ്രക്ഷേപണമായ തണല് പംക്തിയിലൂടെ സാമ്പത്തിക ചികിത്സാ സഹായങ്ങള് ലഭിച്ചവരുടെ കുടുംബാസംഗമം നാളെ ചെത്തിപ്പുഴ മേഴ്സി ഹോമില് നടക്കും. സംഗമം മാര് ജോസഫ് പെരുന്തോട്ടം ഉത്ഘാടനം ചെയ്യും. കുട്ടനാടന് ഗ്രാമങ്ങളില് കാഴ്ചയുടെ തിളക്കവുമായി തിമിര രഹിത കേരളം പദ്ധതി മാമ്പുഴക്കരി കുട്ടനാട് വികസന സമിതി ആഡിറ്റോറിയത്തില് 7 ന് രാവിലെ 9 ന് കെ.സി. ജോസഫ് ഉത്ഘാടനം ചെയ്യും. വാര്ഷികാഘോഷങ്ങളുടെ ഭാഗമായി അഖിലകേരള നാടകോത്സവും നടത്തും. വാര്ഷികാഘോഷത്തോടനുബന്ധിച്ച് പുരസ്കാര സമര്പ്പണവും സുവനീര് പ്രകാശനവും റേഡിയോ വെബ്സൈറ്റ് ഉത്ഘാടനവും ശ്രോതാക്കള്ക്കുവേണ്ടിയുള്ള ക്ഷേമപദ്ധതികളായ എന്റെ വീട്, ചികിത്സാ സഹായം, വിദ്യാഭ്യാസ സഹായം, പദ്ധതികളും ചടങ്ങില് പ്രഖ്യാപിക്കും. പത്രസമ്മേളനത്തില് ഫാ. ആന്റണി എത്തക്കാട്ട് (ഡയറക്ടര്), അഡ്വ: ടോമി കണയംപ്ലാക്കല് (ജനറല് കണ്വീനര്), വിപിന് രാജ് (പ്രോഗ്രാം കോ-ഓഡിനേറ്റര്), ജെന്സ് ഒളശ്ശ (ചീഫ് കോ-ഓഡിനേറ്റര്) എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: