എബിവിപി പ്രവര്‍ത്തകന് എസ്എഫ്‌ഐ മര്‍ദ്ദനം; പ്രതികളെ തിരിച്ചറിഞ്ഞിട്ടും പോലീസ് പിടികൂടാന്‍ വൈകുന്നു

Wednesday 19 June 2019 9:43 pm IST
ഫീസ് അടച്ചു മടങ്ങവേ ഒരു സംഘം എസ്എഫ്‌ഐ പ്രവര്‍ത്തകര്‍ എത്തി വളഞ്ഞിട്ട് ആക്രമിക്കുകയായിരുന്നു. അക്രമികളില്‍ നിന്നും രക്ഷപ്പെട്ട ശേഖര്‍ നേരെ കന്റോണ്‍മെന്റ് പോലീസ് സ്റ്റേഷനിലെത്തി. പിന്നീട് പോലീസുകാര്‍ ശേഖറിനെ ആശുപത്രിയില്‍ എത്തിക്കുകയായിരുന്നു.

തിരുവനന്തപുരം: കേരള യൂണിവേഴ്‌സിറ്റി സെനറ്റില്‍ പരീക്ഷ ഫീസ് അടയ്ക്കാനെത്തിയ എബിവിപി പ്രവര്‍ത്തകനെ എസ്എഫ്‌ഐ പ്രവര്‍ത്തകര്‍ മര്‍ദ്ദിച്ചു. തിരുവനന്തപുരം ലോ അക്കാദമിയിലെ നാലാം വര്‍ഷ വിദ്യാര്‍ത്ഥിയായ ശേഖറിനാണ് മര്‍ദനമേറ്റത്. പ്രതികളെ തിരിച്ചറിഞ്ഞിട്ടും പോലീസ് പിടി കൂടാന്‍ വൈകുന്നു എന്ന് ചൂണ്ടിക്കാട്ടി എബിവിപി കന്റോണ്‍മെന്റ് പോലീസ് സ്റ്റേഷനിലേക്ക് മാര്‍ച്ച് നടത്തി.

ഫീസ് അടച്ചു മടങ്ങവേ ഒരു സംഘം എസ്എഫ്‌ഐ പ്രവര്‍ത്തകര്‍ എത്തി വളഞ്ഞിട്ട് ആക്രമിക്കുകയായിരുന്നു. അക്രമികളില്‍ നിന്നും രക്ഷപ്പെട്ട ശേഖര്‍ നേരെ കന്റോണ്‍മെന്റ് പോലീസ് സ്റ്റേഷനിലെത്തി. പിന്നീട് പോലീസുകാര്‍ ശേഖറിനെ ആശുപത്രിയില്‍ എത്തിക്കുകയായിരുന്നു. മര്‍ദ്ദനമേറ്റ ശേഖറിന് നട്ടെല്ലിന് ക്ഷതമേറ്റിട്ടുണ്ട്.

പ്രതികളെ എത്രയും വേഗം പിടി കൂടിയില്ലെങ്കില്‍ വരും ദിവസങ്ങളില്‍ പ്രതിഷേധം ശക്തമാക്കുമെന്ന് എബിവിപി അറിയിച്ചു.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.